لعلها المرة الأولى (وبإذن المولى أن تكون الأخيرة) التي يخضع فيها الشعب السعودي للحجر الصحي في تاريخنا الحديث، ولعل الحجر ومنع التجول منحا فرصة للشعراء في الكتابة عنه وتحويله إلى مادة شعرية تغري بالقراءة..
دام الحجر توه وباقي مطول
عزالله ان اهل المحبه مجاريح
بعد أذنكم يامانعين التجول
أعطو العشاق المحبه تصاريح
شعر/ سعد بن سنان الثبيتي
* * *
الوضع ماهو ياسعد زيه اول
الوضع ما يحتاج ياخوك توضيح
مع المرض شوف المناظر تهول
خلك ببيتك قبل تنصاب وتطيح
ماجد نايف العصيمي
* * *
اليا طفشت اكتب قصيده ومول
خلك بوسط البيت مابه مراويح
ما انته من العشاق شاعر مخول
ولاهو بوقته تشكي الحب وتبيح
عبدالله سامر المطيري
الوضع متكهرب والاول تحوّل
ماهيب لحية عشق والا مفاطيح
الزول حتى من قريبه يزوّل
الله يزيل الشر قبل التراويح
هلال عوض الديحاني
* * *
الحب خليناه بالوقت الاول
ماعاد هي لحية مراح ومساريح
الله يرد الوضع مثله منول
نبي نقضيها تلاوه وتسبيح
ذياب عوض المطيري
* * *
من شاعرٍ ماقال بيتٍ مقول
ويتعب على خوة بعيد المشاويح
نرفع يدينا للولي ونتسول
انه يصحح كل الاوضاع تصحيح
خويتم سعد الحارثي
من هاجس بين المحاني تحول
وضفا عليهن مثل نور المصابيح
وخلا عيوني من دموعي تهول
دمعة ولا هي من دموع التماسيح
منصور بن دغيم الديحاني
* * *
نبي نجيب العلم ولا نطول
اهدوا وناموا فوق زين الطراريح
طيعوا ولاة الأمر حذر التجول
للمصلحه لاتتبعون المشافيح
رداد العتيبي
* * *
يامنتدى الشعّار جيتك محوّل
نبغى نشارك مع رجالن مفاليح
أصبحت في بيتي كما طير شوّل
جوف القفص محبوس بعدالمساريح
ضيف الله الصاعدي
